ब्राउन सुगर सहित २ जना पक्राउ

कपिलवस्तु, पुस २८
कपिलवस्तुको भृकुटी नगरपालिका– ७, बुडढीमा लागुऔषध ब्राउन सुगर सहित २ जना पक्राउ परेका छन्। बुडढीमा रहेको झडुली माई नजिकै लु ८ प ४४३८ नम्बरको मोटरसाइकलमा रहेका २ व्यक्तिलाई शंका लागि चेकजाँच गर्ने क्रममा उनीहरु पक्राउ परेको प्रहरीले जनाएको छ।

पक्राउ पर्नेमा पाल्पा तानसेन नगरपालिका– १५ का मक्सुदन अली र प्युठान बाड्डेसालका रबिन नेपाली रहेका छन्। उनीहरुको साथबाट ६ पुरिया ब्राउन सुगर पक्राउ गरिएको र दुवै जनालाई इलाका प्रहरी कार्यालय गोरुसिङ्गेमा राखिएको इलाका प्रहरी कार्यालय गोरुसिङ्गेका प्रहरी नायव निरीक्षक हरिसिंह धामीले बताए।

पक्राउ परेका दुबै जनामाथि लागु औषध सम्बन्धी मुद्दा चलाइएको प्रहरीले जनाएको छ।