रेकर्ड बनाएर घट्यो सुनको मूल्य, कति छ आज ?

काठमाडौं, जेठ २० । नेपाली बजारमा शुक्रबार हालसम्मकै उच्च मूल्यमा कारोबार भएको सुनको मूल्य आइतबार भने घटेको छ ।

सुन आज तोलामा दुई सय रुपैयाँ घट्दै प्रतितोला एक लाख ४२ हजार रुपैयाँमा कारोबार भइरहेको छ ।

सुन गत शुक्रबार प्रतितोला एक लाख ४२ हजार दुई सय रुपैयाँमा कारोबार भएको थियो ।

त्यस्तै आज चाँदीको मूल्य तोलामा २५ रुपैयाँ घट्दै प्रतितोला एक हजार आठ सय ५० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।