बालेन शाहले तानाशाही प्रवृत्ति देखाए : केपी ओली

काठमाडौं । नेकपा एमालेका अध्यक्ष केपी शर्मा ओलीले काठमाडौं महानगरपालिकाका मेयर बालेन शाहले तानाशाही प्रवृत्ति देखाएको टिप्पणी गरेका छन ।

शनिबार पार्टीको युवा संगठन राष्ट्रिय युवा संघ नेपालको कार्यक्रममा ओलीले यस्तो टिप्पणी गरेका हुन ।

काठमाडौं महानगरपालिकाले हालै सडक विभाग र काठमाडौं डिभिजन सडक कार्यालयको अगाडि फोहोर फालिदिएको घटनालाई लिएर ओलीले तानाशाही प्रवृत्ति देखाएको बताए ।

उनले बालेन र काठमाडौं महानगरपालिकाको नाम नलिएरै सो टिप्पणी गरेका थिए । घरअगाडि फोहोर फालेको प्रसंग निकालेर त्यस्तो प्रवृत्ति तानाशाही भएको बताए ।

‘मलाइ छिमेकीसँग अलिकति चित्त बुझेन रिस उठ्यो भने घरको फोहोर–सोहोर जम्मा गरेर उसका ढोकामा फ्याँकिदिने ? यो कुनै सभ्यता हो ?’ ओलीले प्रश्न गरे ।