विमानस्थलबाट ७० ग्राम सुनसहित एक महिला पक्राउ
काठमाठौं, जेठ १३ । त्रिभुवन अन्तराष्ट्रिय विमानस्थलबाट ७० ग्राम सुनसहित एक महिला पक्राउ परेकी छिन् ।
प्रहरीले चन्द्रागिरी नगरपालिका–१३ घर भएकी ४० वर्षीया मैया बुढाथोकीलाई शनिबार दिउँसो विमानस्थलबाट पक्राउ गरेको हो ।
भन्सार छली अवैध रूपमा संकलन गरी लैजान लागेको करिब ७० ग्राम तौलको सुनको औठी उनीबाट बरामद भएको हो । उनले बाह्य मुलुकबाट नेपाल आउने यात्रुको प्रयोग गरी भन्सार छलेर सुन ल्याएको प्रहरीको आरोप छ ।
उनलाई कारबाहीका लागि विमानस्थलस्थित भन्सार कार्याय पठाइएको प्रहरीले जनाएको छ ।
प्रकाशित मिति: १३ जेष्ठ २०८१, आइतबार
