हैदराबादलाई सजिलै हराउँदै कोलकाता आईपीएलको फाइनलमा
काठमाडौं । इन्डियन प्रिमियर लिग (आईपीएल) क्रिकेटमा कोलकाता नाईट राइडर्स फाइनलमा पुगेको छ ।
गएराति भएको पहिलो क्वालिफायरमा सनराईजर्स हैदराबादलाई ८ विकेटले हराएर कोलकाता फाइनलमा पुगेको हो ।
हैदराबादले दिएको १ सय ६० रनको लक्ष्य कोलकाताले १३ ओभर ४ बलमै २ विकेट मात्र गुमाएर भेट्टायो । कोलकाताको जितमा कप्तान श्रेयस ऐयरले अविजित सर्वाधिक ५८ रन बनाए ।
त्यसअघि टस जितेर ब्याटिङ गरेको हैदराबाद १९ ओभर ३ बलमा १ सय ५९ रनमा समेटिएको थियो । हैदराबादका लागि राहुल त्रिपाठीले सर्वाधिक ५५ रन बनाएका थिए ।
आईपीएलमा आज राजस्थान रोयल्स र रोयल च्यालेन्जर्स बेंगलूरुबीच एलिमिनेटरको खेल हुँदैछ ।
प्रकाशित मिति: ९ जेष्ठ २०८१, बुधबार
