झापामा कक्षा १२ को परीक्षा दिएर फर्किरहेकी छात्रामाथि आक्रमण
झापा, वैशाख २१ । झापाको दमकमा कक्षा १२ को परीक्षा दिएर घर फर्किंदै गरेकी एक छात्रामाथि आक्रमण गरेको छ ।
आक्रमणबाट दमकको हिमालय माध्यमिक विद्यालयमा अध्ययनरत उदयपुरकी १८ वर्षकी एलिना अधिकारी घाइते भएको जिल्ला प्रहरी कार्यालय झापाका डीएसपी कृष्ण चन्दले जानकारी दिए ।
छात्राको दमकस्थित लाइफ लाइन अस्पतालमा उपचार भइरहेको उनले बताए । उनको पेटमा गोलीको छर्रा लागेको छ ।
उनलाई सिरहाका अमितकुमार यादवले गोली प्रहार गरेर फरार भएको र उनको खोजी भइरहेको डिएसपी चन्दले बताए ।
घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति: २१ बैशाख २०८१, शुक्रबार
