सन्दीप लामिछानेको मुद्दामा सुनुवाइ भएन
काठमाडौँ, वैशाख १६ । क्रिकेटर सन्दीप लामिछानेको मुद्दामा उच्च अदालत पाटनमा आइतबार पेसी तोकिए पनि सुनुवाइ भएन ।
आइतबार लामिछाने संलग्न रहेको बलात्कार सम्बन्धी मुद्दा न्यायाधीशद्वय धीरबहादुर चन्द र चन्द्रमणि ज्ञवालीको संयुक्त इजलासमा पेसी तोकिएको थियो । तर इजलासले उक्त मुद्दालाई ‘हेर्न नभ्याइने’ सूचीमा राखेको हो ।
काठमाडौँ जिल्ला अदालतले कसुरदार ठहर गरेपछि सन्दीपले उच्च अदालत पाटनमा पुनरावेदन गरेका हुन् ।
प्रकाशित मिति: १६ बैशाख २०८१, आइतबार
