दुई न्यायाधीशको सुनुवाई आजबाट हुदै
काठमाडौं, पुस २१
सर्वोच्च अदालतका लागि प्रस्तावित दुई न्यायाधीशको सुनुवाई प्रक्रिया आज सुरु हुदैछ । त्यसका लागि आज संसदीय सुनुवाई समितिको बैठक बोलाइएको छ । आज बस्ने समितिको प्रारम्भिक बैठकमा उनीहरु बिरुद्ध उजुरी दिने समय तोकिने समिति सचिवालयले जनाएको छ ।
न्याय परिषद्को हालै बसेको बैठकले उच्च अदालत बिराटनगरका मुख्य न्यायाधीश तेजबहादुर केसी र पोखराका मुख्य न्यायाधीश पुरुषोत्तम भण्डारीलाई सर्वोच्चको न्यायाधीशमा सिफारिस गरेको थियो । परिषद्ले प्रस्तावित न्यायाधीशको सुनुवाई प्रक्रिया अगाडि बढाउन संसद सचिवालयलाई पत्रचार गरेपछि समितिको बैठक आजका लागि बोलाईएको हो ।
प्रकाशित मिति: २१ पुस २०७३, बिहिबार
