संविधान संशोधन नगरी निर्वाचन घोषणा गरिए निर्वाचनमा सहभागी नहुने – महतो

काठमाडौँ, पुस २०

मधेशी मोर्चा आवद्ध दल सदभावना पार्टीका अध्यक्ष राजेन्द्र महतोले संविधान संशोधन नगरी निर्वाचन घोषणा गरिए मोर्चा निर्वाचनमा सहभागी नहुने उदघोष गरेका छन । जिल्ला कार्यसमिति काठमाडौले आज आयोजना गरेको पत्रकार सम्मेलनमा बोल्दै महतोले पछिल्लो समय संशोधन अल्पमतमा पारिएको खण्डमा चुनावमा भाग नलिने प्रष्ट पारे  ।

संविधान संशोधन विधेयक संसदवाट पारित गराउनका लागि बहुमत आवश्यक भएको भन्दै मधेसको अधिकार दिने कुरामा संशोधन अल्पमतमा पारिए आफूहरु कुनैपनि निर्वाचनमा सहभागी नहुने जिकिर गरे । प्रतिपक्षी एमाले संविधान संशोधनलाई अल्पमतमा पार्ने षड्यन्त्रमा लागेको आरोप लगाउदै मधेसी जनजातिको हक अधिकार सुनिश्चत गर्न एमालेसहितको समर्थनमा बहुमतले संविधान संशोधन गर्नुपर्ने धारणा राखे ।