नाबालिगलाई वेश्यावृत्तिमा लगाएको आरोपमा एक युवती पक्राउ

काठमाडौँ, चैत २९ । नाबालिगलाई वेश्यावृत्तिमा लगाएको आरोपमा काठमाडौंबाट एक युवती पक्राउ परेक छन् ।

प्रहरीले बर्दियाको बाँसगढी नगरपालिका–१ घर भएर काठमाडौँको तारकेश्वर बस्ने मुनु गुरुङलाई पक्राउ गरेको हो ।

२६ वर्षीया गुरुङलाई तारकेश्वर नगरपालिकाको हिलेटोलबाट पक्राउ गरिएको मानव बेचबिखन ब्युरोका एसपी ज्ञानेन्द्र फुयाँलले बताए ।

तारकेश्वर नगरपालिका–११ स्थित हिलेटोलमा युना खाजाघर सञ्चालन गरेर उनले वेश्यावृत्ति गराएको आरोप छ ।

खाजा घरबाट दुई जना नाबालिगसहित ७ जनालाई प्रहरीले उद्धार गरेको छ । आरोपीविरुद्ध ५ दिनको म्याद लिएर अनुसन्धान भइरहेको प्रहरीले जनाएको छ ।