स्रोत नखुलेको रकमसहित नागढुंगाबाट दुई जना पक्राउ
काठमाडौं, चैत १८ । चन्द्रागिरी नगरपालिका–२ नागढुङ्गाबाट स्रोत नखुलेको नगद रुपैयाँसहित एक जना पक्राउ परेका छन् ।
प्रहरीले १८ लाख ५० हजार रूपैयाँसहित रूपन्देही तिलोत्तमा नगरपालिका–११ बस्ने २३ वर्षीय रिसब श्रेष्ठलाई पक्राउ गरेको हो ।
प्रहरी प्रभाग नागढुंगाबाट खटिएको प्रहरीले लु.२ ख ४५३५ नम्बरको बसलाई जाँच गर्ने क्रममा बसका सहचालक उनलाई उक्त नगदगहित पक्राउ गरेको हो ।
साथै थप अनुसन्धानको क्रममा उक्त रकम रूपन्देही तिलोत्तमा नगरपालिका–११ बस्ने ३७ वर्षीय देबेन्द्र न्यौपानेले काठमाडौं पुर्याइदिनू भनी श्रेष्ठलाई दिएको भन्ने खुल्न आएको प्रहरीले जनाएको छ । प्रहरीले न्यौपानेलाई समेत नियन्त्रणमा लिएको छ ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
प्रकाशित मिति: १८ चैत्र २०८०, आइतबार
