विराटनगरमा स्टाफ नर्सको हत्या, बाथरुममा भेटियो शव
विराटनगर, चैत १ । मोरङको विराटनगरस्थित नोबेल मेडिकल कलेजमा कार्यरत एक स्टाफ नर्सको हत्या भएको छ ।
सिरहा घर भएकी २२ वर्षीया चन्द्रीका कुमारी दासको हत्या गरिएको प्रहरीले जनाएको छ । उनको शव अस्पताल नजिकै रहेको डेराको बाथरूममा फेला परेको प्रहरीले जनाएको छ ।
यसबारे थप अनुसन्धान भइरहेको प्रहरीले जनाएको छ । प्रहरीका अनुसार दासको घाँटी, अनुहारलगायत शरीरका विभिन्न भागमा धारिलो हतियारले हानेको गहिरो चोट छ ।
प्रकाशित मिति: २ चैत्र २०८०, शुक्रबार
