स्रोत नखुलेको भण्डै एक करोड रुपैयाँ बरामद

नेपालगन्ज । बाँके प्रहरीले नेपालगन्जबाट स्रोत नखुलेको झण्डै एक करोड रुपैयाँ बरामद गरेको छ । प्रहरीले सोमबार नेपालगन्जबाट ९१ लाख २८ हजार सात सय रुपैयाँसहित केही व्यक्तिहरुलाई पक्राउ गरेको हो ।

जिल्ला प्रहरी कार्यालय बाँकेका अनुसार १५ लाख ४० हजार भारु रुपैयाँ समेत बरामद गरेको छ । पक्राउ परेकाहरूमा दुई जना बर्दियाका, पाँच जना नेपालगन्जका र एक जना भारतीय नागरिक रहेका छन् ।

प्रहरीले आइतबार मात्र ३९ लाख २० हजार रुपैयाँ सहित राजापुर–१ बर्दियाका २० वर्षीय अनुप थारु, बर्दियाकै पूर्णिमा थारु र नेपालगन्ज–१६ जयसपुरका हसिब जसगढलाई पक्राउ गरेको हो ।

नेपालगन्जबाट श्रोत नखुलेको दुई होटलबाट उनीहरुलाई नियन्त्रणमा लिएको प्रहरीले जनाएको छ । अहिले पक्राउ परेकाहरूले सो रकम कहाँबाट के कामका लागि ल्याएका हुन् वा उक्त रकम कसको हो भन्ने बारेमा अनुसन्धान भइरहेको बताइएको छ ।