सुनको मूल्यमा आज अर्को ‘रेकर्ड’, हालसम्मकै उच्च
काठमाडौं, फागुन १७ । नेपाली बजारमा सुनको मूल्यले आज अर्को रेकर्ड राखेको छ ।
सुन आज तोलामा थप एक हजार रुपैयाँ बढ्दै प्रतितोला एक लाख २६ हजार रुपैयाँमा कारोबार भइरहेको छ । जुन मूल्य आलसम्मकै उच्च हो ।
सुनको मूल्य यसअघि गत शुक्रबार प्रतितोला एक लाख २५ हजार रुपैयाँमा कारोबार भएको थियो ।
त्यस्तै आज चाँदीको मूल्य तोलामा पाँच रुपैयाँ बढ्दै प्रतितोला एक हजार चार सय ७५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
प्रकाशित मिति: २७ फाल्गुन २०८०, आइतबार