यस कारण काठमाडौंमा विहीबार बिहान गयो बत्ती

काठमाडौँ, पुस १४

मर्स्याङ्दी–स्युचाटार १३२ केभी प्रसारणलाइनमा आएको खराबीका कारण राजधानी काठमाडौं र आसपासको क्षेत्रमा अवरुद्ध भएको विद्युत् प्रसारण पुनः सुरु भएको छ । प्राधिकरणले कुलेखानी–स्युचाटार प्रसारणलाइनमार्फत् विद्युत् उपलब्ध गराएर विद्युत् नियमित गरेको जनाएको छ ।

विहीबार बिहान ७: २० बजे एकाएक मर्स्याङ्दी–स्युचाटार प्रसारणलाइनको जम्पर तार टुट्न गइ राजधानीमा साढे दुई घन्टा विद्युत् अवरुद्ध हुन पुगेको थियो । प्राधिकरणका प्रवक्ता प्रबल अधिकारीका अनुसार प्राविधिक टोली तार टुटेको स्थानमा पुगी मर्मतकार्य अगाडि बढाइसकेको छ । वैकल्पिक उपायकारुपमा कुलेखानीको सप्लाइ युनिटबाट विद्युत्सेवा सन्चालन गरिएको उनले जानकारी दिए  ।