प्रिमनसुन अवधि सुरू, देशभर मौसम बदली
काठमाडौं, फागुन २० । नेपालमा शुक्रबारदेखि प्रिमनसुनको अवधि सुरू भएको छ ।
प्रिमनसुन सक्रिय हुन भने केही दिन लाग्ने जल तथा मौसम विज्ञान विभागले जनाएको छ ।
मुख्यगरी पश्चिमी वायु र अरेवियन सागरको जलवाष्पयुक्त हावाका कारणले अहिले मौसममा बदली आएको मौसम पूर्वानुमान महाशाखाका मौसमविद् रोजन लामिछानेले जानकारी दिए ।
उनका अनुसार अहिले लुम्बिनी, बागमती, गण्डकी, कणाली, सुदूरपश्चिम प्रदेशमा बढी बदली रहेको छ । यो क्रम आज रातिसम्म बढ्दै जाने र भोलिदेखि क्रमशः मौसममा सुधार हुने लामिछानेले जानकारी दिए ।
प्रकाशित मिति: २० फाल्गुन २०८०, आइतबार