जुवातास खेलिरहेको अवस्थामा ९ जना पक्राउ
कास्की, फागुन १८ । पोखरा महानगरपालिका–५ जिरो किमीस्थित धौलागिरी आगमन रेष्टुरेन्ट एण्ड
लजमा जुवातास खेलिरहेका ९ जनालाई प्रहरीले पक्राउ गरेको छ ।
सोही महानगरपालिका–५ प्रस्याङ बस्ने म्याग्दी धौलागिरी गाउँपालिका–१ घर भएका ५१ वर्षीय पदम लामा समेत ९ जनालाई बिहीबार
साँझ प्रहरीले पक्राउ गरेको हो ।
जिल्ला प्रहरी कार्यालय कास्कीबाट खटिएको प्रहरीले उनीहरूलाई नगद ९४ हजार ४० रूपैयाँ र ३ बुक ताससहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ
प्रकाशित मिति: १८ फाल्गुन २०८०, शुक्रबार