भोजपुरका वीरेन्द्रबहादुर कार्की सचिवमा बढुवा
काठमाडाैं, पुस १३
व्यवस्थापिका–संसद् सचिवालयका सहसचिव वीरेन्द्रबहादुर कार्कीको सचिव पदमा बढुवा भएको छ । सभामुख, उपसभामुख, महासचिव र सचिव रहेकाे व्यवस्थापन समितिको मंगलबारको बैठकले उनलाई सचिवमा बढुवा गर्ने निर्णय गरेको हो ।
सचिव सोमबहादुर थापा उमेर हदका कारण सेवानिवृत्त भएपछि खाली रहेको सचिवमा कार्कीको बढुवा भएको हो । संसद्को महिला, बालबालिका, ज्येष्ठ नागरिक तथा समाज कल्याण समितिको सचिवका रुपमा कार्यरत कार्की कार्यव्यवस्था महाशाखाको प्रमुखको जिम्मेवारीमा रहेका थिए ।
२०४७ साल भदौमा संसद् सेवामा प्रवेश गरेका सचिव कार्कीको पुर्खौली घर भोजपुरको देउरालीमा छ । उनले आजै आफ्नो कार्यभार सम्हालेका छन् ।
प्रकाशित मिति: १३ पुस २०७३, बुधबार
