मजदुरमाथि भएको कुटपिटबारे छानबिन गर्दै महानगर
काठमाडौँ, फागुन १७ । काठमाडौँ महानगरपालिकाले बुधबार साँझ सुन्धारामा स्वरोजगार मजदुरमाथि भएको कुटपिटबारे छानबिन सुरु गरेको छ ।
महानगरका प्रमुख प्रशासकीय अधिकृत प्रदीप परियारले घटनाबारे सत्य तथ्य बुझ्न र बल प्रयोग गर्नुपरेको कारणबारे सोधपुछ गर्न एसएसपी राजु पाण्डेलाई बोलाइएको बताए ।
डिएसपी मनोज लामिछाने नेतृत्वमा परिचालित नगर प्रहरीहरूले साँझ सवा ८ बजेको समयमा सुन्धारा आसपासका सडकमा स्वरोजगार मजदुरहरूलाई आक्रमण गरी घाइते बनाएको आरोप छ ।
साथै नगर प्रहरीले उनीहरुका सामान समेत लुटपाट गरेर लगेको आरोप नेपाल स्वरोजगार व्यापार श्रमिक संघले लगाएको छ ।
प्रकाशित मिति: १७ फाल्गुन २०८०, बिहिबार