स्वास्थ्य वीमाको कानुन ल्याउन लागेको स्वास्थ्यमन्त्रीको भनाई

मकवानपुर, पुस १३

स्वास्थ्यमन्त्री गगन थापाले सबै नेपालीलाई स्वास्थ्य सुविधा उपलव्ध गराउन स्वास्थ्य वीमा अनिवार्य गर्ने कानुन ल्याउन लागेको बताएका छन । नेपाली कांग्रेस मकवानपुर क्षेत्र नम्बर ४ ले मनहरीमा गरेको आमसभामा मन्त्री थापाले आर्थिक अभावका कारण उपचारबाट कुनैपनि नागरिक बन्चित हुन नपरोस् भन्ने उद्देश्यले सबै नेपालीका लागि स्वास्थ्य वीमाको तयारी गरेको बताएका हुन् ।

उनले संसदमा पुसभित्रै स्वास्थ्य वीमा ऐन संसदमा पठाउने योजना सुनाए । ५ वर्ष्भित्र सबै स्वास्थ्य चौकीहरुलाई भौतिक पूर्वाधार सम्पन्न बनाई ग्रामीण भेगसम्म सर्वसुलभ स्वास्थ्य सेवा पाउने अवस्था सिर्जना गर्न सरकारले काम गरिरहेको बताए ।