कञ्चनपुरमा बेपत्ता युवक मृत भेटिए, दुईजना पक्राउ
धनगढी, फागुन १५ । कञ्चनपुरमा दुई दिनदेखि हराइरहेका युवक मृत भेटिएका छन् ।
आइतबारदेखि हराएका भीमदत्त नगरपालिका–४ का ३५ वर्षीय चन्द्रबहादुर बिष्ट मंगलबार बिहान मृत भेटिएको प्रहरीले जनाएको छ ।
महाकाली सिचाइँको मूल नहरमा तैरिहेको अवस्थामा बिष्टको शव भेटिएको जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) प्रकाश डाँगीले जानकारी दिए ।
मृतकको शव परीक्षणका लागि महाकाली प्रादेशिक अस्पतालमा राखिएको छ । घटना शंकास्पद रहेको प्रहरीले जनाएको छ ।
घटनाको अनुसन्धानका लागि दुई जनालाई नियन्त्रणमा लिइएको डीएसपी डाँगीले जानकारी दिए ।
प्रकाशित मिति: १५ फाल्गुन २०८०, मंगलबार