टहरोमा आगलागी हुँदा जलेर एक जनाको मृत्यु
ललितपुर, माघ २६ । गोदावरी नगरपालिका–११ बुलुपार्कस्थित टहरोमा आगलागी हुँदा एक जनाको मृत्यु भएको छ ।
बिहीबार राति टहरोमा आगलागी हुँदा जलेर ६५ वर्षीय कान्छा महर्जनको मृत्यु भएको हो । आगलागीबाट टहरो समेत पूर्णरूपमा क्षति भएको छ ।
घटनास्थलमा प्रहरी वृत्त चापागाउँबाट खटिएको प्रहरी टोलीले यस सम्बन्धमा आवश्यक अनुसन्धान गरिरहेको जनाएको छ ।
प्रकाशित मिति: २६ माघ २०८०, शुक्रबार