व्यवसायी अरुण चौधरी पक्राउ
काठमाडौँ, माघ १८ । व्यवसायी अरुण चौधरी पक्राउ परेका छन् ।
चौधरीलाई काठमाडौंस्थित उनको आफ्नै निवासबाट पक्राउ गरिएको हो । पक्राउको कारणबारे भने केही खुलाइएको छैन ।
बाँसबारी छाला जुत्ता कारखानाको नाममा रहेको १० रोपनी जग्गा चौधरी ग्रुपले नियमविपरीत गएर निजी बनाएको विषयमा छानबिन गर्न उनलाई पक्राउ गरिएको बताइएको छ ।
उद्योगको नाममा रहेको भनिएको १० रोपनी जग्गा अरुण र उनकी श्रीमतीको नाममा रहेको छ ।
प्रकाशित मिति: १८ माघ २०८०, बिहिबार