‘डाटा गोपनीयता दिवस’मा नेपाल एसबिआई बैंकका कर्मचारीहरूले गरे प्रतिज्ञा

काठमाडौं, माघ १५ । ‘डाटा गोपनीयता दिवस’को अवसरमा नेपाल एसबिआई बैंक लिमिटेडका कर्मचारीहरूले बैंकको नीतिअनुरुप डाटा सुरक्षामा सजग र सचेत रहने प्रतिज्ञा गरेका छन् ।

साथै उनीहरुले कार्यस्थल तथा ग्राहकहरुको सबै व्यक्तिगत तथा वित्तिय जानकारीहरु गोप्य राख्नका साथै बैंकको गोपनीयता नीति तथा कार्यविधिहरुको बारेमा अद्याबधिक रहने प्रतिज्ञा गरेका छन् ।

नेपाल एसबिआई बैंकका प्रबन्ध निर्देशक तथा प्रमुख कार्यकारी अधिकृत दीपक कूमार देले, नायब प्रमुख कार्यकारी अधिकृत तथा प्रमुख वित्तिय अधिकृत श्री राजेश कुमार पंडा, प्रमुख संचालन अधिकृत श्री यादवेंद्र कांत, प्रमुख कर्जा अधिकृत श्री अर्जुन नेपाल, प्रमूख प्रविधि अधिकारी सुनन्द मल्होत्राका साथै अन्य पदाअधिकारीहरूको उपस्थितिमा बैंकका सम्पूर्ण कर्मचारीहरुलाई उक्त प्रतिज्ञा गराउनुभयो ।

हाल यस बैंकले ९७ शाखा, २२ एक्स्टेन्सन काउन्टर, ७ प्रादेशिक कार्यालय, १ कर्पोरेट अफिस, १२१ एटिएमबाट आफ्नो आन्तरिक तथा विश्वव्यापी नेटवर्क मार्फत सेवा प्रदान गर्दै आएको छ ।