म्याग्दीमा ग्याङफाइट हुँदा शुशिलको मृत्यु, दुई घाइते
म्याग्दी । म्याग्दीको बेनीमा युवाहरुबीच ग्याङफाइट भएको छ । सो ग्याङफाइटमा बेनी ८ पिपलचोक बस्ने २२ वर्षीय शुशिल गर्बुजाको हत्या भएको छ भने दुईजना घाइते छन् ।
एक्कासी झगडा हुँदा खुकुरीले छातीमा प्रहार गरेपछि गर्बुजा घाइते भएका थिए । उपचारका लागि बेनी अस्पताल लगिएकोमा चिकित्सकले मृत घोषणा गरेका म्याग्दी प्रहरीले जनाएको छ ।
गर्वुजाको टाउको र छात्तिमा चोट लागेको थियो । दुईजना घाइतेको बेनीमै उपचार भइरहेको प्रहरीले जनाएको छ ।
उनीहरुलाई ८-१० जनाको समूहले चक्कु प्रहार गरेका बताइएको छ । घटनामा संलग्नहरुको खोजी र घटनाको थप अनुसन्धान भइरहेको म्याग्दी प्रहरीले जनाएको छ ।
प्रकाशित मिति: १२ माघ २०८०, शुक्रबार
