रवि लामिछानेविरुद्ध संसदीय समिति र सभामुखसमक्ष उजुरी
काठमाडौँ, माघ ९ । सहकारी ठगी प्रकरणमा मुछिएका राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध संसद्को राज्य व्यवस्था समिति र सभामुखसमक्ष उजुरी रेको छ ।
लामिछानेविरुद्ध सिन्धुलीका युवराज सफलले संघीय संसद्को राज्य व्यवस्था तथा सुशासन समिति र सभामुख देवराज घिमिरेसमक्ष ठगी प्रकरणमा छानबिनको माग गर्दै आज (मंगलबार) उजुरी दिएका हुन् ।
सफलले सभापति लामिछाने समेत सञ्चालक रहेको ग्यालेक्सी टिभीमा सहकारीको ५२ करोड रुपैयाँ लगानी गरिएको भन्दै छानबिनको मागसहित उजुरी दिएका हुन् ।
उजुरीमा लामिछानेको सहकारी ठगीसम्बन्धी विषयमा आवश्यक छानबिन गर्न संसदीय छानबिन समिति गठनको माग समेत गरिएिको छ ।
प्रकाशित मिति: ९ माघ २०८०, मंगलबार
