चीनमा शक्तिशाली भूकम्प
काठमाडौं, माघ ९ । चीनको सिन्जियाङ उइगुर क्षेत्रको अक्सु प्रान्तको उशी काउन्टीमा ७।१ म्याग्निच्युडको भूकम्प गएको छ ।
चाइना भूकम्प नेटवर्क सेन्टरका अनुसार मंगलबार बिहान २ बजेर ९ मिनेटमा ७।१ म्याग्निच्युडको भूकम्प गएको हो ।
भूकम्पको केन्द्रविन्दु भएको स्थानमा कयौं घर र गाईवस्तुहरुका गोठ भत्किएका छन् । केही मानिसहरू सामान्य घाइते भएको जनाइएको छ।
भूकम्प प्रभावित क्षेत्रमा उद्धारकर्तालाई पठाइएको छ ।
प्रकाशित मिति: ९ माघ २०८०, मंगलबार
