वादी समुदायका अगुवा रंगे वादीको निधन
बझाङ, माघ ५ । वादी समुदायका अगुवा रंगे वादीको निधन भएको छ ।
बझाङको थलारा गाउँपालिका-५, खोली बस्ने रंगको निवासमै निधन भएको हो ।
बिहीबार दिउँसो आराम गर्न भनेर सुतेका उनी साँझ मृत भेटिएको उनका छोरा मौसम वादीले जानकारी दिए ।
बुधबार मात्रै उनी सामान्य रिङ्गाटा लागेको भन्दै स्थानीय स्वास्थ्य चौकीमा उपचार गरेर फर्किएका थिए ।
शुक्रबार उनको थलाराको झनाना स्थित सेती किनारमा दाह संस्कार गरिएको छ ।
वादी समुदायको इतिहास, परम्परा र संस्कृतिका जानकारी रंगे वादी कुसल गायक, मादल र सारंगी बादक पनि थिए ।
उनी यो समुदायको मुख्य पेशाको रुपमा रहेको माटोको भाँडा बनाउन सबैभन्दा सिपालु अगुवा समेत हुन् ।
उनी पछिल्लो समय आधुनिक प्रविधिका कारण वादी समुदायको जिविकाको श्रोतको रुपमा रहेको नाचगानको परम्परा र माटोका भाँडा बनाउने पेशा संकटमा परेकोप्रति निकै चिन्तित थिए ।
प्रकाशित मिति: ५ माघ २०८०, शुक्रबार
