घरको छतबाट लडेर एकजनाको मृत्यू
धनगढी, माघ ३ । धनगढीको धनगढीमा घरको छतबाट लडेर एकजनाकोे मृत्यु भएको छ ।
धनगढी उपमहानगरपालिका–४ बसपार्क पछाडि छोरा लोकबहादुर माझीको घरमा बस्दै आएका डोटी दिपायल सिलगढी नगरपालिका–३ का ६५ वर्षीय बिष्णुबहादुर माझीको घरको तीन तला माथिबाट लडेर मृत्यु भएको हो ।
छतबाट लडेर गम्भीर घाइते भएका उनलाई उपचारको लागि सेती प्रादेशिक अस्पतालमा लगिएकोमा उपचारको क्रममा बुधबार बिहान २ बजेतिर मृत्यू भएको प्रहरीले जनाएको छ ।
यस सम्बन्धमा प्रहरीले थप अनुसन्धान गरिरहेको जनाएको छ ।
प्रकाशित मिति: ३ माघ २०८०, बुधबार
