राष्ट्रिय पुरुष भलिबल प्रतियोगिताको उपाधि पुलिसलाई

काठमाडौं, पुस २६ । ३४ औं राष्ट्रिय पुरुष भलिबल प्रतियोगिताको उपाधि नेपाल पुलिस क्लवले जितेको छ ।

एपीएफ क्लबलाई ३–१ ले पराजित गर्दै पुलिस क्लवले उपाधिमाथि कब्जा जमाएको हो ।

पहिलो सेट जितेको एपीएफमाथि पछिल्लो ३ सेट जित्दै पुलिसले उपाधि आफ्नो नाममा गर्यो । एपिएफमाथि पुलिसले २२–२५, २५–१९, २५–१८ र २५–२३ ले जित्यो ।

नवौं राष्ट्रिय खेलकुदको उपाधी विजेता एपीएफ प्रतियोगिताभर अपराजित रहेको थियो ।

समुह ए मा रहेका यी दुवै टिममध्ये एपिएफ लिग चरणमा समुह विजेता बन्दै सेमिफाइनल पुगेको थियो भने पुलिस उपविजतोको रुपमा आएको थियो ।

यस अघि आज भएको तेस्रो स्थानको खेलमा आर्मीलाई ३–१ ले पराजित गर्दै गण्डकी प्रदेश तेस्रो भएको थियो ।