सुनको मूल्य आज पनि घट्यो, चाँदीको स्थिर
काठमाडौं, पुस २६ । नेपाली बजारमा केही दिनदेखि ओरालो लाग्दै आएको सुनको मूल्य आज पनि घटेको छ ।
सुन आज तोलामा दुई सय रुपैयाँ घट्दै प्रतितोला एक लाख १८ हजार तीन सय रुपैयाँमा कारोबार भइरहेको छ ।
सुन हिजो प्रतितोला एक लाख १८ हजार पाँच सय रुपैयाँमा कारोबार भएको थियो ।
चाँदीको मूल्य भने आज स्थिर रहँदै प्रतितोला एक हजार चार सय १० रुपैयाँमा नै कारोबार भइरहेको नेपाल सुनचाँदी व्यवसायी महासंघले जनाएको छ ।
प्रकाशित मिति: २६ पुस २०८०, बिहिबार