बसको ठक्करबाट बालकको मृत्यु भएपछि प्रहरीको गाडीमा तोडफोड
दाङ, पुस १६ । दाङमा बसको ठक्करबाट बालकको मृत्यु भएपछि आक्रोशित भीडले प्रहरीको गाडी तोडफोड गरेका छन् ।
आज (सोमबार) अपराह्न तुलसीपुर उपमहानगरपालिका-१८ झिँगे नजिकै तुलसीपुर-घोराही सडकखण्डमा सार्वजनिक बसले ठक्कर दिँदा बालकको मृत्यु भएपछि आक्रोशित स्थानीयले प्रहरीको गाडीमा तोडफोड गरेका हुन्।
स्थानीयका अनुसा प्रहरीले मृतक बालकको शव उठाउन खोजेको भन्दै स्थानीय आक्रोशित बनेका हुन् । घटना लगत्तै चालक बस छोडेर भागेको प्रहरीले बताएको छ।
बसको ठक्करबाट तुलसीपुर १७ झिङगैका ७ वर्षका सागर चौधरीको मृत्यु भएको प्रहरीले जनाएको छ । विद्यालयबाट घर जान पैदल हिँडिरहेका ती बालकलाई अगाडिको टायरले किचेको थियो ।
घटनापछि अहिले स्थानीयले तुलसीपुर–घोराही सडकखण्ड बन्द गराएको प्रहरीले जनाएको छ ।
प्रकाशित मिति: १६ पुस २०८०, सोमबार