सामान्य प्रशासन मन्त्री अनिता देवी पक्राउ
काठमाडौं, पुस १६ । माइतीघरमण्डलबाट सामान्य प्रशासनमन्त्री अनिता देवीलाई प्रहरीले नियन्त्रणमा लिएको छ ।
धोती दिवस मनाउन माइतीघरमण्डल गएका बेला निषेधित क्षेत्र तोडेको भन्दै प्रहरीले जनमत पार्टीका अध्यक्ष सिके राउतसहित पार्टीका अरु नेताहरुलाई पनि पक्राउ गर्नेक्रममा सामान्य प्रशासन मन्त्री अनिता देवी पनि पक्राउ परेकी हुन् ।
प्रहरीले उनलाई नेपाल पुलिस क्लब, भृकुटीमण्डपमा राखेको छ । माइतीघरदेखि नयाँबानेश्वरसम्म स्थानीय प्रशासनले निषेधित क्षेत्र घोषणा गरेको छ ।
जनमत पार्टीकी नेतृ अनिता देवी २९ साउनमा सामान्य प्रशासन मन्त्री नियुक्त भएकी थिइन् ।
प्रहरीले पूर्वखानेपानी मन्त्री अब्दुल खानलाई समेत नियन्त्रणमा लिएको छ । प्रहरीले यसक्रममा ५ण् जना भन्दा बढी व्यक्तिहरुलाई पक्राउ गरेको जनाएको छ ।
प्रकाशित मिति: १६ पुस २०८०, सोमबार
