सन्दीप लामिछानेविरुद्धको मुद्दा आज पनि हेर्दाहेर्दैमा
काठमाडौँ, पुस १२ । क्रिकेटर सन्दीप लामिछानेविरुद्धको जबरजस्ती करणीको मुद्दा काठमाडौँ जिल्ला अदालतमा आज (विहीबार) पनि हेर्दाहेर्दौमा राखिएको छ ।
जारी बहस नटुङ्गिएपछि मुद्दालाई हेर्दाहेर्दैमा राखिएको हो । यो मुद्दालाई शुक्रबारका लागि हेर्दाहेर्दैमा राखिएको छ ।
बुधबार वादी पक्षको सकिएकोमा आज प्रतिवादीतर्फबाट कानुन व्यवसायीहरूले बहस गरेका थिए ।
आइतबारदेखि काठमाडौँ जिल्ला अदालतका न्यायाधीश शिशिरराज ढकालको इजलासमा सुरु भएको सुनुवाइमा वादी नेपाल सरकार र जाहेरवालीको तर्फबाट बुधबारसम्म १० जनाले बहस गरेका थिए ।
प्रतिवादीतर्फबाट पनि बहस सकिए मुद्दामाथिको सुनुवाइ शुक्रबार नै टुङ्ग्याउने तयारी गरिएको छ ।
प्रकाशित मिति: १२ पुस २०८०, बिहिबार
