घले समूहले १३८ किलो सुन तस्करी गरेको निष्कर्ष
काठमाडौं, पुस ८ । मीन घलेको समूहले त्रिभुवन अन्तर्राष्ट्रिय विमानस्थल हुँदै १३८ किलो सुन तस्करी गरेको निष्कर्ष निकालिएको छ ।
१४ किलो सुन तस्करी प्रकरणमा गठन भएको छानबिन समितिले यस्तो निष्कर्षसहितको प्रतिवेदन बुझाएको हो ।
समितिले घलेले दुवईमा तथाकथित अंकित अग्रवाल नाम गरेको व्यक्तिसँग सम्पर्क राखी नेपालमा सुन तस्करी गर्न चाँजोपाँजो मिलाउने गरेको निष्कर्ष निकालेको छ ।
घले स्वयं तथा चन्द्र घले र कृष्ण कुमार श्रेष्ठ समेतले पटक–पटक दुवईबाट सुन लिई आउने गरेको अनुसन्धानबाट खुल्न आएको समितिको भनाइ छ ।
प्रकाशित मिति: ८ पुस २०८०, आइतबार