मन्त्री क्वार्टरको टहरामा आगलागी
ललितपुर, पुस २ । ललितपुरको भैंसेपाटीस्थित मन्त्री क्वार्टर परिसरमा रहेको एक टहरामा आगलागी भएको छ ।
कामदार बस्ने टहरामा मंगलबार बिहान ११ बजेतिर आगलागी भएको जिल्ला प्रहरी परिसर ललितपुरका एसपी नवराज कार्कीले जानकारी दिए ।
बिहान खाना पकाउने क्रममा आगलागी भएको हुनसक्ने प्रहरीको अनुमान छ । आगलागी भएको केहीबेरमा दमकल पुगेर नियन्त्रणमा लिइसकेको छ ।
क्षति विवरण आउन बाँकी रहेको प्रहरीले जनाएको छ ।
प्रकाशित मिति: ३ पुस २०८०, मंगलबार