राष्ट्रिय क्रिकेट टिमका ५ खेलाडीलाई फिनिक्स कलेजले दियो पूर्ण छात्रवृत्ति

काठमाडौं, पुस १ । नेपाल राष्ट्रिय क्रिकेट टिमका उदयीमान ५ क्रिकेट खेलाडीलाई फिनिक्स कलेजले पूर्ण छात्रवृत्ति दिने भएको छ ।

राष्ट्रिय टिमका ब्याट्सम्यान कुशल मल्ल, विवेक यादव, पवन शराफ, मौसम९श्याम० ढकाल र प्रतिश जिसीलाई ४ वर्षे बीबीए अध्ययनको लागि पूर्ण छात्रवृत्ति प्रदान गरेको कलेज नेटवर्कका निर्देशक राजु टण्डनले बताए ।

निर्देशक टण्डनले राष्ट्रिय क्रिकेट खेलाडीहरुले खेल मैदानमा देखाएको प्रदर्शन, समर्पण र सीपलाई पुरष्कृत गर्न यो छात्रवृत्ति प्रदान गरेको बताए ।

फिनिक्स कलेजले यसअघि राष्ट्रिय क्रिकेट टिमका कुशल भुर्तेल, कमलसिंह ऐरी, सन्दीप जोरा, सूर्य तामाङ र भीम सार्कीलाई पनि पूर्ण छात्रवृत्ति प्रदान गरेको थियो ।