नेत्रहीन महिला क्रिकेट सिरिजमा भारतमाथि नेपालको सानदार जित

काठमाडौं, मंसिर २७ । भारतको मुम्बईमा जारी महिला नेत्रहीन टी(२० क्रिकेट सिरिजको तेस्रो खेलमा बुधबार नेपालले भारतलाई १० विकेटको सानदार जित हात पारेको छ ।

ओपनरद्वय बिनिता पुन र मनकेशी चौधरीको उत्कृष्ट ब्याटिङको सहयोगमा नेपालले सिरिजमा पहिलो जित हात पारेको हो ।

भारतले दिएको १७२ रनको लक्ष्य नेपालले १९।१ ओभरमा पूरा गर्‍यो । नेपालका लगि कप्तान बिनिताले नटआउट ७८ रन र मनकेशी चौधरीले ७५ रन जोडे। पुनले ६० बलमा ७ चौका र चौधरीले ५७ बलमा ५ चौका प्रहार गरे ।

यसअघि पहिले ब्याटिङ गरेको भारतले ४ विकेटको क्षतिमा १७१ रन जोड्यो । भारतका लागि सिमु दासले ८४ रन जोडिन्। नेपालले भारतका चारै ब्याटरलाई रनआउट गरेको थियो ।