सुनको मूल्य आज पनि घट्यो, चाँदीको स्थिर
काठमाडौं, मंसिर २६ । नेपाली बजारमा सुनको मूल्य केही दिनदेखि निरन्तर घटिरहेको छ ।
सुन आज पनि तोलामा सात सय रुपैयाँ घट्दै प्रतितोला एक लाख १६ हजार तीन सय रुपैयाँमा कारोबार भइरहेको छ ।
सुन हिजो पनि अघिल्लो दिनको तुलनामा पाँच सय रुपैयाँ घट्दै प्रतितोला एक लाख १७ हजार रुपैयाँमा कारोबार भएको थियो ।
आज चाँदीको मूल्य भने स्थिर छ । चाँदी आज पनि प्रतितोला एक हजार चार सय १० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
प्रकाशित मिति: २६ मंसिर २०८०, मंगलबार