वतावरण संरक्षणको बहानामा चीन तिब्बतमा पकड मजबुत बनाउँदै

काठमाडौं । वतावरण संरक्षणका नाममा चीनले तिब्बतमा आफ्नो पकड मजबुत बनाउँदै लगेको पाइएको छ । चिनियाँ कम्युनिष्ट पार्टी सीसीपीले ‘अति उच्च पर्यावरणीय पुनर्वास’ कार्यक्रमका नाममा तिब्बतीहरुलाई अर्कै स्थानमा पुनर्वास गराएर तिब्बतमा आफ्नो पकड मजबुत बनाएको हो ।

सीसीपीले सन् २०१८ मा यस कार्यक्रम अघि सारेको थियो । हुन पनि सन् २००० को सुरुवात देखि नै चीनले तिब्बत र छिमेकी प्रान्तका फिरन्ते बासिन्दाहरुलाई जबरजस्ती पुनर्वास गर्दै आइरहेको छ । यसरी पुनर्वास गरिएका तिब्बतीहरुको सङ्ख्या २० लाखसम्म रहेको जानकारहरु बताउँछन् ।

गरिबी उन्मूलन र वातावरणीय चिन्ताका नाममा तिब्बतीहरुलाई अर्कै स्थानमा पुनर्वास गरिएपनि वास्तवमा सीसीपीको मुख्य उद्देश्य भने सो क्षेत्रमा आफ्नो पकड मजबुत बनाउनु रहेको बताइएको छ । सहरमा बसोबास गर्ने र फिरन्तु जीवन बिताउने तिब्बतीबीच आम्दानीको ठूलो खाडल रहेको भन्दै चीनले गरिबी निवारणका नाममा पुनर्वास कार्यक्रम अघि सारेको हो ।

तर, गुणस्तरीय शिक्षा, राम्रो स्वास्थ्य सेवाको बाचा गरिएपनि यसरी पुनर्वास गराइएको तिब्बतीले बाचाअनुसारको सेवा भने पाउन सकेका छैनन् ।