नेप्से आज पनि घट्यो, कारोबार रकम पनि खुम्चियो
![](https://www.deshkonews.com/wp-content/uploads/2020/11/nepse-share.jpg)
काठमाडौं, मंसिर १२ । साताको कारोबारको तेस्रो दिन आज (मंगलबार) पनि शेयरबजार नेपाल स्टक एक्सचेञ्ज (नेप्से) २.१७ अंकले घट्दै १८९.५३ बिन्दुमा बन्द भएको छ । नेप्से हिजाे सोमबार ११.२७ अंकले घटेको थियाे ।
नेप्सेमा आज कारोबार रकम पनि घटेको छ । हिजो सोमबार एक अर्ब ७५ करोड ४७ लाख ५० हजार रुपैयाँ बराबरको कारोबार भएकोमा आज एक अर्ब २८ करोड २ लाख रुपैयाँको मात्रै कारोबार भएको हो ।
१०२ कम्पनीको शेयरमूल्य वृद्धि हुँदा १२६ कम्पनीको मूल्य घटेको छ भने ११ कम्पनीको मूल्य यथावत् छ ।
आज कारोबार भएकामध्ये बुद्धभूमि नेपाल हाइड्रोपावर कम्पनीको प्रतिकित्ता शेयरमूल्य सर्वाधिक ९।९७ प्रतिशतले बढेर ३९४.८० रुपैयाँ पुगेको छ ।
नारायणी विकास बैंकका लगानीकर्ताले भने सर्वाधिक ५।३३ प्रतिशत गुमाएका छन् । सो कम्पनीको प्रतिकित्ता शेयरमूल्य २० रुपैयाँले घट्दै ३५५ रुपैयाँ कायम भएको छ ।
आज पनि सबैभन्दा बढी कारोबार पनि सोनापुर मिनिरल्स एण्ड वेल लिमिटेडको भएको छ । आज यस कम्पनीको ८ करोड ५९ लाख बराबरको कारोबार भएको हो ।
प्रकाशित मिति: १२ मंसिर २०८०, मंगलबार