नेपालगञ्ज म्याराथनको नवौँ संस्करण सुरु
बाँके, मंसिर ९ । नेपालगञ्ज म्याराथनको नवौँ संस्करण सुरु भएको छ ।
क्रियटिभ ह्याण्ड्सको आयोजनामा म्याराथनको विजेताले नगद रु दुई लाख पाउने छन् भने दोस्रो स्थान हासिल गर्नेले एक लाख, तेस्रोले ५० हजार पाउने संस्थापक टिएस ठकुरीले जानकारी दिए ।
यस्तै चौथोले २५ हजार, पाँचौँले १५ हजार, छैटौँले १० हजार, सातौँ र आठौँले समान रु पाँच–पाँच हजार पाउने छन् । म्याराथनमा ३० जनाको सहभागिता छ ।
म्याराथनसँगै हाफ म्याराथन, विद्यालयस्तरीय महिला–पुरुष १० किलोमिटर, पाँच किलोमिटर दौड, ह्विलचेयर दौड ‘किड्स रन’ पनि आयोजना गरिएको छ ।
प्रकाशित मिति: ९ मंसिर २०८०, शनिबार
