आगोमा जलेर भोजपुरमा एक महिलाको मृत्यु

भोजपुर । भोजपुरको आमचोक गाउँपालिकामा आगोमा जलेर एक महिलाको मृत्यु भएको छ ।

आमचोक-६ राधुन बस्ने ७५ वर्षीया लालमाया राईको आगोमा जलेर शुक्रबार राति मृत्यु भएको छ ।

आफ्नै घरमा तरकारी पकाउने क्रममा आगोमा जलेर उनको मृत्यु भएको जिल्ला प्रहरी कार्यालय भोजपुरले जानकारी दिएको छ ।

आगलागी नियन्त्रणमा लिनुको साथै यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ ।