कौशलटारमा भेटियो चितुवा, नियन्त्रणमा लिइँदै
काठमाडौं, कार्तिक २४ । भक्तपुरको मध्यपुरठिमी– ३ कौशलटारमा चितुवा फेला परेको छ ।
एक घरको बाउन्ड्री भित्र कुनामा लुकेको अवस्थामा चितुवा फेला परेको हो । चितुवालाई नियन्त्रणमा लिन डिभिजन वन कार्यालय काठमाडौंका वन अधिकृत अशोक पराजुली नेतृत्वको टोली खटिएको छ ।
उनका अनुसार बाउन्ड्री भित्र कुनामा रहेको अवस्थामा चितुवालाई डार्ट गरेर बेहोस् गरिएको छ ।
चितुवा फेला परेपछि डिभिजन वन कार्यालय भक्तपुरले डिभिजन वन कार्यालय काठमाडौंको टोलीलाई खबर गरेको थियो ।
प्रकाशित मिति: २४ कार्तिक २०८०, शुक्रबार
