प्रधानाध्यापक विद्यालयमै मृत भेटिए

काठमाडौं, कार्तिक २० । सिराहाको एक सरकारी विद्यालयका प्रधानाध्यापक मृत फेला परेका छन् ।

जिल्लाको गोलबजार नगरपालिका वडा नम्बर ३ जमदह स्थित सरस्वती प्राथमिक विद्यालयका प्रधानाध्यापक सञ्जीवकुमार साह मृत भेटिएका हुन् ।

प्रधानाध्यापक शाह विद्यालयको निमार्णधीन तेस्रो तल्लाको सभाहलमा आइतबार मृत भेटिएको प्रहरीले जनाएको छ ।

मिर्चैया नगरपालिका वडा नम्बर ६ घर भएका साहको मोटरसाइकल विद्यालयमै भेटिए पनि उनी नभेटिएपछि खोजी गरिएको थियो । उनले आत्महत्या गरेको प्रहरीले जनाएको छ ।