जसपाको मधेश प्रदेशस्तरीय प्रशिक्षक प्रशिक्षण शिबिर आजदेखि, उपेन्द्र यादवले प्रशिक्षण दिने

काठमाडौं । जनता समाजवादी पार्टी (जसपा) नेपालको मधेश प्रदेशस्तरीय प्रशिक्षक प्रशिक्षण शिबिर आजबाट सुरु हुने भएको छ ।

सिराहाको लाहानस्थित मारवाडी सेवा सदनमा आजदेखि जसपाले तीन दिने प्रशिक्षण शिबिर सञ्चालन गर्न लागेको हो ।

पार्टीका अध्यक्ष उपेन्द्र यादवलगायत शीर्ष नेताहरुले प्रशिक्षण दिने कार्यक्रम छ ।

मधेस प्रदेशबाट प्रतिनिधित्व गर्ने केन्द्रीय कार्यकारिणी समिति सदस्य, केन्द्रीय तहका नेता, प्रदेश समितिका सदस्य, जिल्ला तथा स्थानीय तहका प्रतिनिधिहरु प्रशिक्षणमा सहभागी हुनेछन् ।