मदिरा सेवन गरि प्रहरीमाथि कुटपिट गर्ने दुई जना पक्राउ
कैलाली । धनगढीमा मदिरा सेवन गरेर प्रहरीमाथि कुटपिट भएको छ ।
शनिबार राति धनगढीको राजपुर चोकमा मोटरसाइकल चेकजाँचका क्रममा भएको विवादमा खडक कुँवरसहितका दुई जनाले प्रहरीमाथि कुटपिट गरेका हुन् ।
प्रहरीले कुटपिट गरेको अभियोगमा उनीहरु दुई जनालाई नियन्त्रणमा लिएको छ ।
जिल्ला प्रहरी कार्यालय कैलालीका अनुसार खसीको कारोबार गर्दै आएका उनीहरूले राजपुर चोकमा प्रहरी सहायक निरीक्षक बहादुरसिंह ऐरीसहितका प्रहरीमाथि हातपात गर्दै कुटपिट गरेका थिए । उनीहरुमाथि प्रहरीले थप अनुसन्धान थालेको छ ।
प्रकाशित मिति: १९ कार्तिक २०८०, आइतबार
