सबैभन्दा लामो दूरीको छक्का प्रहार गरेबापत कप्तान पौडेल पुरस्कृत
काठमाडौँ, कार्तिक १७ । एसियाली क्षेत्रको अन्तिम चरणको छनोट प्रतियोगिताअन्तर्गत शुक्रबार युएईसंगको सेमिफाइनल खेलमा सबैभन्दा लामो छक्का प्रहार गरेबापत नेपाली क्रिकेट टिमका कम्तान रोहित पौडेल पुरस्कृत भएका छन् ।
संयुक्त अरब इमिरेट्स (यूएई) लाई आठ विकेटले हराउँदै नेपाली टोलीले आगामी वर्ष आयोजना हुने टी—२० विश्वकपमा स्थान पक्का गरेको छ ।
यूएईविरुद्धको खेलमा अविजित ३४ रन बनाएका कप्तान पौडेलले दुई छक्का र दुई चौका हिर्काएका थिए । त्यसक्रममा सबैभन्दा लामो दूरीको छक्का प्रहार गर्ने खेलाडीको पुरस्कार रोहितले पाएका हुन् ।
यसका अतिरिक्त कप्तान रोहितले त्यो खेलमा सबैभन्दा छिटो रन बनाउने खेलाडीको पुरस्कार पनि पाए ।
प्रकाशित मिति: १७ कार्तिक २०८०, शुक्रबार
