विद्यालय गएका बालक तीन दिनदेखि सम्पर्कविहीन

तुलसीपुर, कार्तिक १४ दाङको तुलसीपुरमा विद्यालय गएका एक बालक तीन दिनदेखि सम्पर्कविहीन छन्।

रोल्पाको त्रिवेणी गाउँपालिका बुढागाउँ घर भइ हाल तुलसीपुर उपमहानगरपालिका – २ खैरीपुरस्थित मामाको घरमा बस्दै आएका १४ बर्षीय प्रदीप केसी तीन दिनदेखि समपक्र्रविहीन भएका हुन्।

उनका मामा शोभाराम डाँगीका अनुसार उनी स्थानीय जनप्रेमी सेकेन्डरी बोर्डिङ स्कूल बालापुरमा कक्षा ८ मा अध्यनरत केसी कात्तिक १२ गते साढे ९ बजेतिर मामा घरबाट विद्यालय जान भनेर हिँडेका थिए ।

कात्तिक १३ गते इलाका प्रहरी कार्यालय तुलसीपुरमा मामा शोभारामले भान्जा प्रदीपको खोजी कार्यमा सहयोग गरि दिन आग्रह गर्दै प्रहरीमा निवेदन दिएका छन् ।