टी-२० विश्वकप छनोट : आज नेपाल र मलेसिया खेल्दै
काठमाडौं । आईसीसी टी–२० विश्वकप छनोट अन्तर्गत आफ्नो दोस्रो खेलमा आज नेपालले मलेसियासँग खेल्दैछ । खेल त्रिवि क्रिकेट मैदान कीर्तिपुरमा दिउँसो साढे १ बजे हुने छ ।
घरेलु टोली लगातार दोस्रो जितको खोजीमा मैदान उत्रदैछ । पहिलो खेलमा नेपालले हिजो सिङ्गापुरलाई आठ विकेटले पराजित गरेको थियो ।
नेपाल दोस्रो जितको खोजीमा हुँदा मलेसिया भने पहिलो जित निकाल्ने योजनामा हुनेछ। मलेसिया पहिलो खेलमा ओमानसँग ३२ रनले पराजित भएको थियो। यस्तै, आज कीर्तिपुरमा बिहान ९ बजे ओमान र सिङ्गापुर खेल्नेछन् ।
यस्तै, मूलपानी क्रिकेट मैदानमा हुने खेलमा बिहान नौ बजे बहराइन र हङकङ तथा दिउँसो साढे १ बजे कुवेत र यूएई खेल्दैछन् ।
प्रकाशित मिति: १४ कार्तिक २०८०, मंगलबार
